zaḳhm khāte haiñ aur muskurāte haiñ ham

hausla apnā ḳhud āzmāte haiñ ham

aa lagā hai kināre safīna magar

shor to ādatan hī machāte haiñ ham

ham jo Dūbeñ to koī na phir bach sake

aisā sāgar meñ tūfāñ uThāte haiñ ham

chuur kar bhī chuke dil ke shīshe ko vo

apnī himmat hai phir choT khāte haiñ ham

be-ruḳhī se jo dil toḌ dete haiñ 'josh'

un ke hī pyaar ke giit gaate haiñ ham

زخم کھاتے ہیں اور مسکراتے ہیں ہم

حوصلہ اپنا خود آزماتے ہیں ہم

آ لگا ہے کنارے سفینہ مگر

شور تو عادتاً ہی مچاتے ہیں ہم

ہم جو ڈوبیں تو کوئی نہ پھر بچ سکے

ایسا ساگر میں طوفاں اٹھاتے ہیں ہم

چور کر بھی چکے دل کے شیشے کو وہ

اپنی ہمت ہے پھر چوٹ کھاتے ہیں ہم

بے رخی سے جو دل توڑ دیتے ہیں جوشؔ

ان کے ہی پیار کے گیت گاتے ہیں ہم